أجيو تشوفوني باش مهليا في رلسي دخلو بلاما تفوتووووووووووها

كيف دايرين يا الغزالات نتمنى تكونوا فاحسن حال

هادي اول مشاركة ليا فهاد القسم نتمنى تكون موفقة
هادو مسائل اللي مجرباهم شخصيا و كنعتمد عليهم فالعناية بنفسي.



-خلطة رااااااائعة كتصفي الجسم و ترطبو:


الصابون البلدي - النوع المزيان كيكون لونو بني غااامق-
الحنة ديال الجسم
الحلبة مطحونة
الخرقوم البلدي
الغاسول الابيض -ديال البشرة-
عصير حامضة
ماء الورد
قليل من حليب نيدو غبرة
و المقادير عينك ميزانك , غير شوية شوية من الحاجة و الجهد ديال استعمال واحد
لان مايصلاحش تبقى لمرة اخرى
مللي تمشي للحمام و تغسلي
يعني متعمليهاش قبل ماتحكي لكن من بعد متكون البشرة نقية عمليه ماسك للجسم و يقاي شي 10 د
ايوا كيخرج الجسم مانقوليكش نقييييي و مع المدة كيبهرك



- بشرةالوجه


وجهي كنعمليه بزاف ديال الماسكات كل مرة حاجة جديدة بمقياس 2 مرات فالاسبوع و على حساب الكانة


-ڭوماج/ تقشير البشرة

*حليب نيدو مع فرماجة و بحركات دائرية للوجه لمدة 15 د و نغسل بماء دافئ و نمسح بماء الورد
* سنيدة مع زيت اللوز نفس الطريقة


- تبييض و صفاء الوجه

* روز مطحون مع ماء الورد نعملو منو عجينة و نعملوها ماسك للوجه مدة 25 د
* بطاطا محكوكة خصوصا اللي عندها الهالات السوداء
* خيار محكوك مع يوغورت مسوس
* ابيض بيضة بلدية مع الخميرة البلدية
* ملعقة حليب نيدو غبرة + ملعقة زيت اللوز المر + ملعقة ماء الورد
* عسل حرة مع ماء الورد
:)واحد الماسك كنعملو ايلا جاتني عراضة على غفلة كيخرج الوجه مشرق و صافي
اصفر بيضة بلدية + القرفة ---
غزاااااااااااااال


-الشعر

اللي شعرها جاف تمشي عند العطار تسول على اللزاز راع مللي يتخلط بالماء كيولي لزج خلطيه مع زيت بلدية و عمليه قبل shompoing مفعولو غزال

* انا كنصاوب مايونيز فالدار خاصة بشعري مصاوبة غير بالبيض و مخدومة بزيت العود





كنعملها ماسك لشعري ليها مفعول زويييين
كنعملها لشعري ناشف و نبقى بيها 2 ساعات

* ايلا كتعاني من القشرة بقاي تشللي ب ماء مخلوط بالخل او الحامض







* دانون مسوس مع حبة لافوكا طااايبة + بنانا طايبة و زيت بلدية









خلطي الكل فمولينكس و عمليهم ماسك للشعر يكون ناشف و غطيه ب البلاستيك الغدائي film alimentaire و بقاي بيه شي 2 ساعات عاد غسليه, رااااااااائع

-اليدين


لنعومة اليدية كنستعمل الفازلين دائما



و كدلك مرة مرة ندهنهوم بزيت العود مخلطة بالحامض






و نبقى ندلكهم كتنفع حتى للرجيلات اعزكم الله

chokren laki,okhti wa jazaki laho kolla khayr